mercoledì 4 luglio 2012

Mercoledì del Monte: aspettando la Festa


                   Di Trapani affaccià Maria di Gèsu















                    


                                                          Canto popolare


Di Trapani affaccià Maria di Gèsu
n-cuoddru li marinara la purtaru.
Li munaceddri subbitu scinnièru,
lu mantu a Maria ci arrialàru.
Maria ci arrispunnì sutta lu velu:
“Figli, vi benedicu e mi nni vaju,
e mi nni vaju a li finestri n-celu
unn’è lu Paradisu e tuttu l’oru.
Lu Paradisu n-celu, li porti sbarracàti,
li seggi priparati c’aspettanu a Gesù.





                                                                  La Vugliddra


Canzoncina popolare


La vugliddra, la vugliddra, - la ciancianèddra
Dunni mi vinni, dunni mi vinni - sta bamminèdddra
O di Trapani, o di Trapani – o di Missina
Ci arrialàru, ci arrialàru – tri cannili
Ci li misiru, ci li misiru – n-capu l’antàru
Tutti l’ancili, tutti l’ancili – ci la cantàru
Ci la cantàru, ci la cantàru – n-ginucchiuni
La Madonna, la Madonna – e lu Signuri
Lu Signuri, lu Signuri – è misu n-cruci
Viva, viva , viva, viva - Santa Cruci
Santa Cruci, Santa Cruci – a lu cummentu
Viva, viva, viva, viva – lu Sacramentu
Lu Sacramentu, lu Sacramentu – a la Batìa
Viva, viva, viva, viva – Santa Rusalia
Rusalia, Rusalia – n-capu lu munti
Chi cuntava, chi cuntava – li belli cunti
Lu canàzzu, lu canàzzu – ci dicìa
Va’ marìtati, va’ marìtati – Rusalia
Sugnu bbona, sugnu bbona – maritata
Cu Gesuzzu, cu Gesuzzu – sugnu spusata
E la roba, e la roba – nun è mia
E’ di Gèsu, è di Gèsu – e di Maria

E si Maria nun avissi lu mantu
Fòramu pièrsi tutti quanti
E lu lu nomu ludatu sia
Di lu Munti Beddra Maria

Supra quattru cantuneri
Ci su belli quattru antàra
E la muscula chi li liggiva
Di lu Munti Beddra Maria.








                                                          Di n-capu mari na navi vinìa


Canto popolare


Di n-capu mari na navi vinìa
facennu festa e sparannu cannuna.

Ascontra Racarmutu ppi la via
vònzi ristari ccà sta Gran Signura.

Calà lu Conti e tuttu lu Sinatu
ppi maraviglia a vidila l’ha jutu.

E a li pedi si ci ha nginucchiatu
cu li lacrimi a l’occhi ca chianciva.

Dicennu – d’oru lu cangiu vi fazzu,
semila scuti di dinari duna.

“Ccillenza, nun pò essiri sta cosa,
ca ppi dinari cangiari a Maria”.

A mazziornu tramutà lu suli
li vistiàmi tutti ci allintàru.

Ittàru cordi supra a quattru vùa
e mancu arriminari si puria.

Ddri vo’ ficiru forza a lu carruozzu
populu e cristiani quantu sia.

Mannàru l’ammasciata nni lu Conti
si n-cuntu nni l’aggiusta li dinari.

A dàrici a Maria semu pronti
propriu a Racarmutu voli stari.

E so’ Ccillenza ci rispusi adònti:
“Va ìti e nun la vogliu arriscattari.

Cu li dinari ca iu v’àiu a dari
un tempiu ci nni vogliu fabbricari”.

Pigliaru lu disignu di la chesa
e tanta genti ppi vidìlla iva.

Cu voli grazzii ricurri a Maria
ca nn’àvi un fonti chinu e na funtana.

mazziuornu tramutà lu suli
li vistiàmi tutti ci allintàru.

Ittàru cordi supra a quattru vùa
e mancu arriminari si puria.

Ddri vo’ ficiru forza a lu carruozzu
populu e cristiani quantu sia.

Mannàru l’ammasciata nni lu Conti
si n-cuntu nni l’aggiusta li dinari.

A dàrici a Maria semu pronti
propriu a Racarmutu voli stari.

E so’ Ccillenza ci rispusi adònti:
“Va ìti e nun la vogliu arriscattari.

Cu li dinari ca iu v’àiu a dari
un tempiu ci nni vogliu fabbricari”.

Pigliaru lu disignu di la chesa
e tanta genti ppi vidìlla iva.

Cu voli grazzii ricurri a Maria
ca nn’àvi un fonti chinu e na funtana.

Stampa il post

2 commenti:

  1. Mi piacerebbe tanto sentirle cantare.
    Daniela

    RispondiElimina
  2. Una sintesi dell'ultimo brano conclude l'animazione corale dellaMessa delle 12,00 di domenica oppure lo trovi su you tube digitando coro terzo millennio.
    Buon ascolto.
    Domenico Mannella

    RispondiElimina