Martedì del Monte: aspettando la Festa

                                                                         Dopu quattru seculi l’anniversariu di Maria SS. di lu Munti

di Racalmuto

(1903)

La parte finale di questo componimento pressoché sconosciuto è stata declamata in pubblico durante la Recita del 1980.

Nomu di Patri datimi intellettu

Figliu di Maria Vergini climenti

E Gesu Cristu mi teni a lu pettu

L’Eternu Patri per figliu eccellenti.

Ora vi lu dirò, comu ‘nnaffettu

Di lu Munti Maria groliamenti

Tegnu pocu memoria alla frunti

Surda l’oricchi mia, sentu li canti.

                       *

Prìncipi e Sacerdoti sunnu junti

E pri lu Paradisu triunfanti

Nun vi cantu favella nemmenu cunti

Li Cristiani nni ristaru spanti.

Di quantu è bella Maria di lu Munti

Firriata di perni, Angeli e Santi.

Santi su divintati li divoti.

                        *

Perdunatimi miu Diu cca vammo offisu

E sta matina cca sonanu li moti

Jammucci nni Maria piacenti visu

Scansatici di pesti e tirrimoti,

Di morti subitania alla ‘mpruvisa.

                        *

Spirtaculu di li vivi e di li morti

‘Ncurunata sta Riggina ‘mparadisu

‘Mparadisu di l’angili cantata

Tutti a la pudistà eranu junti

Fu di lu Ternu Patri ‘ncurunata

La Santissima Riggina di lu Munti.

                         *

Dati aiuto a sta terra sfurtunata

Ca li profunni abissi foramu junti

S’unera pri Maria, Nostra avvucata

Tutti quanti furamu defunti.

Trema prima Cità, è la Licata

E di li terri attorno nun ‘nnava cuntu

Terranova e Riesi e la cuntrata

Finu a Canicattì su stanchi e junti.

                           *

Trema Mussomeli, Sutera, Cammarata,

Camprofrango e la terra di li Grutti

Gridammu ccu una vuci spavintata

Viva Maria Santissima di lu Munti.

                           *

Trema Caltanissetta e San Cataldu

Li terri attornu di Pietraprizia

Cianci Castrogiovanni e Biannannu

E Leonforti lacrimannu iva

Trema Lintini, lu Sciumi, lu ponti

Caru Lintini trimà ccu Chiaramunti

Trinnò ccu Patrinnò li Greci e Bronti

Di lautri terri nun mi dava cciù cunti.

                        *

Nni ciancìanu barunati, Duchi e Conti

Vittiru li castii di Diu, ch’eranu junti

Nun canusceru e gridaru all’impronti.

                        *

Santissima Rigina di lu Munti.

Trema Vutera ccu S. Maria

E finu a Ciazza li littu su giunti

Caltagiruni lacrimannu jva

Daduni di la ruri nun nnava cunti

La cità di Minì festa faciva

E Cristu nun po rriciviri cchiu sti cunti

Grida la terra di Palagunia

Santissima Rigina di lu munti.

                        *

Trimaru li muntagni e li Casala

Lu maluppassa e la Mastra Lucia

La terra cca trimà, di la pidala

E Tri Castagni lacrimannu jva.

            ==========

Trema Naru, Palma e la Favara

E a Girgenti li gran castighi eranu junti

Grida la terra di Siculiana

A Rafadali l’ultimi trapunti

Catolica e Ragona lacrimava

E Racalmuto nun sapia sti cunti

Tri foru nni li valli di Mazzara

Trapani e la Madonna di lu Munti.

                        *

Trema S. Milasi ccu Caltabellotta

Marsala trema, Castedduvitrano

Rivela e la Sammuca è quasi morta

Mutammu bona liggi Cristiani

Ogni Santu la terra si cunorta

Cca la Sicilia è misa tutta ‘ncianu,

E Racalmuto vittoria porta

Cca Maria di lu Munti l’avi ‘mmanu.

                        *

Lu paisi di Cunigliuni trimà mmerso la grona

Termini e Marinè ‘ntra una matina

Arcamu dissi nun è cosa buona

A Murriali mutaru duttrina.

Arriva mpalermu e la Gloria sona

Di lu Munti lodammu sta Riggina.

                        *

Di lu Munti Maria dammi memoria

Siti la Matri di lu nostru Signuri

Siti la la Matri di li peccaturi

‘Mparadisu ricchizzi e ‘ncelu gloria

Lu ‘mpernu cca pri nnu è misu a rimuri

Vitti arrivari li momenti e punti

Vitti cicari li mura ccu l’antri

Chiamammu a Maria SS. di lu Munti.

                        *

Carma lu tirrimotu e nun va cciu avanti

 Avanti ‘ntra la liggi cristiani

Cavemmu lu battisimu a la frunti

L’addivissimo assà ringraziari

Starbulu carricatu d’ogni ‘nfrunti.

E la matina ticci voi adurari

Ca di l’arruci to’ ccia dari cunti

Ma starma ccu ti la voli cunservari.

                     *

V’adurati a Maria di lu Munti

Tannu Racalmutu fu cuntenti

Cuntenti foru li vivi e li defunti

Di lu piccatu to, nun ti nni penti

‘Mprisenza di Maria a ddari cunti

Ti benedicu li jorna e lu mumentu

Ti benedicu li jorna e li cunti

Vo’ stari nni li setti sacramenti

Grida: Viva Maria SS. di lu Munti.

                      *

La spata di li manu ccia livatu

Figliu la ffari pri chiddi cca patutu

La ffari pri li ‘nnuccenti cca nun hannu piccatu

Sa quantu vogliu beni a Racalmutu

Quantu Stima a ttia Verbu ‘ncarnatu.

O Peccaturi, pri cchi s’arrisirvutu

Ancora si stinatu a lu piccatu,

Di la ffisa di Diu, tu cchi nnavutu.

                        *

Cristu contra di nu, troppu è sdignatu

La nostra vita a piriri nna giùtu

Li castii di Diu ‘nnannu arrivatu

S’ungnera pri Maria, a Racalmutu

E di lu primu fora subissatu

Grazia a Racalmuto affurtunatu

Ccu ti lu detti stu riccu tesoru;

Criu cca l’altu Diu ti l’ha mmannatu.

                      *

Di lu piccatu to’ viri nni dolu

Di quantu voti la terra ha sarvatu

E fin ad ora fora juntu a solu

E cianci ddu paisi sfurtunatu

La vitti e nnu fu privu Castronuovu

Ma di Castronuovu lu Sinatu iva

Rincuntrari sta nobili patruna

Furmaru nna ranni cumpagnia.

                    *

Ogni omu cca la vidi s’appaura,

Ma di ‘ncapu Mari, nna navi vinia

Facivanu festa e sparavanu cannuna

C’incontra Racalmutu pri la via.

                        *

E dunni s’arristà ddra gran Signura

Cala lu Conti e tuttu lu Sinatu

Pri maraviglia a vidirla è giutu,

Arriva a li pedi e si è inginucchiatu

Cu li occhi gran piantu faciva

Dicennu d’oru lu camiu vi fazzu

Semila scuti di dinaru mia

Com’è possibili Ccillenza sta cosa

Nnu pri dinari canciari a Maria.

                        *

Di Castonuovo è addrivata sta Rosa

L’ammu purtatu di luntana via

            [versi mancanti]

                        *

 E so Eccellenza cci rispose adonte

Annate cca nnu la vogliu arriscattari

Ccu li dinari cca a ddari a ttia

La chiesa cci nni vogliu fabbricari

Pigliammu lu disignu di la Chiesa,

E ogni popolo a vidirla jva,

Di lu Munti Maria prega a so figliu

E la biata Santa Rosalia.

                        *

E di farini cchiù nnu nnaiu tempu

Maria di lu Munti avi lu cantu

Cce qualchedunu cca senti sti patti

La me menti è gnuranti e nun allatina

Lodammuci lu Santu Sacramentu

Di lu Munti Maria Sarvi Regina.

            RIZZO GIUSEPPE

   fu CALOGERO da Racalmuto